Wednesday, October 18, 2006

വീണ്ടുമൊരവധിക്കാലം

കുറേ ചര്‍ച്ചകള്‍ക്കും വാഗ്വാദങ്ങള്‍ക്കും ശേഷം ക്ലൈന്റ് സൈറ്റിലെ പി എമ്മും പോളാരിസിലെ പി എമ്മും കനിഞ്ഞു
ഒക്റ്റ് 21- നവ 5 വരെ ലീവ് എടുത്തോളാന്‍ പറഞ്ഞതിന്‍ പ്രകാരം ടിക്കറ്റ് ഒക്കെ എടുത്തു ദിവസങ്ങള്‍ എണ്ണി കഴിയുകയാണിപ്പൊ..ഇനി വെറും 3 ദിവസങ്ങള്‍ മാത്രം . :-)

അതിന്റിടക്കിന്നലെ പി എം വിളിച്ച് നവ 5 എന്നുള്ളത് നവ 1 ആക്കാന്‍ ഉത്തരവിട്ടു! :-(

മൂന്നാറിലും കാന്തല്ലൂരിലും ഇപ്പഴും കുറിഞ്ഞി ഉണ്ടാവും എന്ന വിശ്വാസത്തില്‍ 23/24 ഒരു യാത്ര പ്ലാന്‍ ചെയ്തു
വെച്ചിട്ടുണ്ട്. അപ്പച്ചന്റെയും അമ്മയുടേയും അനിയത്തിയുടേയും അനിയന്റെയും കൂടെ.ഒരു ഫാമിലി റ്റൂര്‍ .

ഇരുപത്തഞ്ചിന് ആരൊക്കെയാണ് പുല്ലൂരാന്റെ വേളിക്ക് പോകുന്നതാവോ?

ഇരുപത്തെട്ടിന് ഒരു സുഹൃത്തിന്റെ കല്യാണം . REC യിലെ സുഹൃത്തുക്കളെ പലരേയും അന്നു കാണാന്‍ പറ്റും എന്നു പ്രതീക്ഷിക്കുന്നു.അപ്പോ 28 ഉം 29തും അടിച്ചു പൊളിക്കണം.

പിന്നെ പറ്റുന്ന ദിവസമെല്ലാം വൈകീട്ട് ഇന്‍ഡോര്‍ സ്റ്റേഡിയത്തിന്റെ മുന്നിലെ ക്രിക്കറ്റ് സഭയില്‍ പോയി ഹാജര്‍ വെക്കണം

പിന്നെ മാപ്രാണം വേലൂര്‍ യാത്രകളും ഒക്കെ കൂടി കഴിയുമ്പോഴേക്കും ഒന്നാംതി ആവും!!

പിന്നെ വീണ്ടും പുതിയ മേച്ചില്‍ പുറങ്ങള്‍ തേടി...